Ta'zim sizga Onajon

AyolAyol – olamni go’zal, mehrli va adolatli qilish, o’z tabassumi bilan unga quvonch baxsh etish, o’z e’tibori ila uni yanada yashnatish uchun yaratilgan go’zal bir hilqat. Ayol – jamiyatning gultoji, mehr va muhabbat timsolidir. Ayol – garchi u nozikkina jussaga ega bo’lsada, metin irodasi, dunyolarcha sabri, daryoday toshqin mehru muhabbati bilan hayotni charag’on etib turuvchi, baxtli kunlarda hammadan ko’proq quvonuvchi, baxtsiz onlarda hammadan ko’p kuyunuvchi nafis bir hilqat.Ayol – borliqning ko’zgusi. Uning borligi olam uchun eng katta baxt, chunki uning Niyati pok, uning o’zi pok. Ayol – bir sirli olam, uni hamma ham tushuna olmaydi. Ammo uni tushunganiz sayin, uni ko’proq sevib qoladi kishi. Ayol – go’zallik, sadoqat, ishonch va mehr-muhabbat ramzi. Ayol – bu mehribon ona, sadoqatli umr yo’ldosh, oqibatli opa, erkatoy singil shu bilan bir qatorda o’z kasbiga fidoiy inson. Ayolga har qancha ta’rif berilsa, shunchalik ozdir.