QALBIMDASAN BAHOR

Ushbu kitobda mening bolalik davrimdan boshlab yozilgan eng sara ijod namunalarim jamlangan. Ularning har birida bolalik tafti, yoshlikka xos beg‘uborlik, soddalik va ijodga tashnalik sifatlari o‘z istifodasini topgan. Bu to‘plamdan joy olgan she’rlar turli-tuman mavzularda bo‘lib, ular orasida Vatanga muhabbat, ona-yurtga sadoqat, ota-onaga hurmat, do‘stlar sog‘inchi, qarindoshlar o‘rtasidagi "silai rahm" kabi mavzularga bag‘ishlangan she’rlar alohida ajralib turadi. She’rlar orasida ilhom kelganda yozilgan ilk mashqlardan tortib, yillar davomida sayqallanib, saralanib ulgurgan ijod namunalari ham ko’zga tashlanadi. Aziz kitobxon, ushbu ijod namunalarini o‘qib o‘zingiz uchun ma’naviy ozuqa va ilhom olsangiz, ijodkor uchun eng oliy baxt demakdir. Hurmat bilan muallif.