Qalb Sohilim

Ushbu to'rtinchi kitobim dunyo yuzini ko'rar ekan, hayolot olamimda ummon toshqinlari suzib yurgandek go'yo. Shu sabab ham bu kitobim nomini "Qalb Sohilim" deya nomlashga qaror qildim va kitobimni bir necha mavzulashgan qismlarga ajratib chiqdim. Ushbu kitobim to'liq she'riy to'plam bo'lib, siz o'zingizga yoqqan mavzudagi she'rlarni topa olishingizga va bu she'rlar sizga manzur kelishiga ishonchim komil. Ushbu kitobim Oilani madh qilish bilan boshlanib, yurt ishqi, muhabbay, ona tabiat, vafosizlik, ayol ta'rifi, go'zal tilaklar hamda shukronalik kabi mavzularni o'z ichiga oladi. Shu sababdan ham kitobimiz orqali o'zingizga yoqqan mavzudagi she'rlarni mutolaa qilishingiz mumkin. Har bir she'r ichki hislar ila, go'zal baytlar bilan yozilgan. Deyarli barcha she'r o'z hayotim ta'rifi hisoblanadi. Kitobimiz sizga manzur kelgan bo'lsa ota-onam haqqiga bitta duo qilib qo'ying va agar kamchiliklari bo'lsa kaminadan deb biling. Siz aziz sh'er shaydolariga yoqimli mutolaa tilayman. Kitobim uchun ketkazgan vaqtingizga rozi bo'ling va agar lozim ko'rsangiz uni boshqalarga ham ulashing.