BIRGALIKDA BIR QADAM

Men, Xudayorova Nozima, ushbu she’rlarim orqali qalbimdagi eng samimiy tuyg‘ularimni qog‘ozga tushirishga harakat qildim. "Onajon" she’rimda onaga bo‘lgan chuqur hurmatim va sevgimni ifodalashni istadim. Ichimdagi dardlarni hamma bilan bo‘lisholmaganim uchun, ularni she’r orqali ifoda qilaman. Lekin bu dardlarni onamga aytishga ham qo‘rqaman, chunki ularning yuragini o‘rtab qo‘yishdan cho‘chiman. Bu she’r orqali onamga sog‘lik, umr, va tinchlik tilab, ularning doimo baxtli bo‘lishlarini xohlayman. "Onam" she’rida esa, onamning cheksiz mehrini, fidoyiligini va mening baxtim uchun qilgan duolarini ulug‘ladim. Onamning “farzandim baxtli bo‘lsin” deb kechayu kunduz tinimsiz duo qilishi, hech bir halovat bilmay mehnat qilishi – bu she’rning asosiy g‘oyasidir. Bu asarim orqali men onalarga hurmat va minnatdorchilik bildirishni xohladim. "Otang rozi bo‘lmasa" she’rimda ota rozi bo‘lishining naqadar muhim ekanligini ifoda etdim. Inson qancha yaxshilik qilmasin, necha marta ibodat qilmasin, agar ota-onasi undan rozi bo‘lmasa, bunday yaxshiliklarning qadr-qimmati yo‘q. Bu she’rim orqali o‘quvchilarga ota-onaga nisbatan hurmat va mehrni unutmaslik kerakligini eslatmoqchi bo‘ldim.